×
  • Lajme
  • Lajme

    Haradinaj thotë se AAK-së i takon Presidenti ose nuk rri në Qeveri

    FrontOnline
    20 Gusht 2020

    Kreu i AAK’së, Ramush Haradinaj ka bërë të ditur se do të kushtëzojë LDK’në me pozitën e presidentit, në rast se këta nuk duan që të rrëzohet para kohe qeveria, raporton Gazeta Express.

    Në një intervistë për REL, Haradinaj ka paralajmëruar LDK’në se do ta rrëzojë Avdullah Hotin nga posti i të parit të qeverisë, nëse nuk e bëjnë president.

    Ai thotë se përpara janë dy zgjidhje, AAK-ja ta marrë Presidentin dhe siç thotë të bëhet pjesë e vendimmarrjes ose vendi do të shkojë në zgjedhje të reja.
    “Aleanca është para dy zgjidhjeve, të dyja shumë të vështira. E para është që të vazhdojë të jetë pjesë e pushtetit dhe e vendimmarrjes, por ta kushtëzojë me marrjen e një pozicioni vendimmarrës të presidentit edhe ajo është logjika pse Këshilli Drejtues i AAK-së më ka dhënë autorizim të negociojë edhe për çështjen e presidentit, me qëllim që ne të mos përjashtohemi nga tavolina e marrjes së vendimeve. Pra, ne nuk rrisim pushtet me marrjen e presidentit, por ne vetëm ruajmë mundësinë e të qenurit në tavolinë aty ku merren vendimet”, ka deklaruar ai.

    Sipas Haradinaj, LDK nuk ka ambicie që ta marrë këtë post.

    “LDK-ja nuk mund t’i ketë dy përgjegjësitë e para edhe kryetarin e qeverisë dhe presidentin. Edhe LDK, në fakt nuk ka shprehur ambicie. Ish- kryeministri (Isa) Mustafa nuk ka shprehur ambicie për postin e presidentit. Ai nuk është i interesuar të hapë paketën, pra që ta shkarkojë këtë qeveri, të nominojë një mandatar, të pres ato dy javët e famshme që t’i dërgojë letra Vetëvendosjes, që të bie në procedura të caktura”, ka thënë Haradinaj, duke thënë se shpreson në mirëkuptim edhe nga PDK’ja.

    “Unë jam në pozitë me të vështirë me PDK-në, sepse presidenti dikur ishte në PDK. Mirëpo, unë mendoj edhe për PDK-në, shpresoj se do ta kem mirëkuptimin edhe nga ata, sepse në këto situata të ndjeshme, nëse Aleanca duhet të jetë partner, duhet t’i jepet mundësia të ketë vendimmarrje. Përndryshe, vetëm sa për ta mbajtur në jetë një qeveri për pak pushtet, për Aleancën ne e dimë rrugën që të shkojmë në shtëpi, se e kemi ditur edhe në të kaluarën, ja do të shkojmë në zgjedhje”, ka deklaruar Haradinaj

    Nga Rubrika
    Lajme09 Shkurt 2025
    Demokracia në Veprim ka dalur në konferencë për media. Sipas saj, deri në orën 17:00 kanë votuar 38.9% e qytetarëve.
    Lajme09 Shkurt 2025
    Me përfundimin e zgjedhjeve të 9 shkurtit pason konstituimi i Kuvendit të Kosovës. Të zgjedhurit e rinj për Kuvendin e Kosovës do...
    Lajme09 Shkurt 2025
    Asamblisti i Lëvizjes Vetëvendosje në Podujevë, Artrit Mulliqi ka shkelur heshtjen zgjedhore e cila duhet të mbizotërojë gjatë kohës kur qytetarët votojnë....
    Të tjera
    Lajme09 Shkurt 2025
    Kryetari i LVV-së, Albin Kurti, u ka bërë thirrje qytetarëve të dalin e të shfrytëzojnë të drejtën e votës. Ai deklaroi se...
    Zgjedhjet 202509 Shkurt 2025
    Qytetarët në Kosovë po shfrytëzojnë të drejtën e tyre për të votuar për zgjedhjet parlamentare. KQZ-ja njoftoi përmes një konference për media...
    Vip09 Shkurt 2025
    Të drejtën e saj për votë e ka shfrytëzuar edhe këngëtarja Leonora Jakupi. Ajo ka postuar një fotografi në Instagram, duke treguar...
    Lajme09 Shkurt 2025
    Komisioni Qendror i Zgjedhjeve (KQZ), në konferencën e radhës ka bërë të ditur se ka nisur verifikimi i votave të ardhura nga...
    Zgjedhjet 202509 Shkurt 2025
    Kanë mbetur edhe dy orë deri kur pritet të mbyllen qendrat e votimit në gjithë Kosovën. Në përditësimin e fundit nga KQZ-ja,...
    Lajme09 Shkurt 2025
    Ambasadori i Gjermanisë në Kosovë, Jorn Rohde, gjatë një vizite në qendrën e votimit në Graçanicë, ka treguar se procesi i votimit...

    FrontOnline, © 2025 Të gjitha të drejtat e rezervuara.