[wp-story]

Lajme

Haradinaj kujton babain në dyvjetorin e vdekjes: Ai na mësoi që të vdesim për liri

Haradinaj kujton babain në dyvjetorin e vdekjes: Ai na mësoi që të vdesim për liri
12:31 | 17 Qershor 2020

Kryetari i AAK-së Ramush Haradinaj e ka përkujtuar babain e tij Hilmiun në dyvjetorin e vdekjes.

Ai ka thënë se babai e ka mësuar atë dhe të tjerët se të vdesësh për liri është vlera më sublime njerëzore.

“Në përvjetorin e dytë të ndarjes nga jeta të babës sonë, Hilmi Haradinajt, me nderim kujtuam rrugëtimin e tij jetësor dhe vlerat, në të cilat ai besoi dhe i mbrojti çdoherë me nder. Baba na mësoi, se vdekja për t’i dhënë jetë lirisë është vlera më sublime njerëzore. Ashtu siç qëndroi i papërkulur për të drejtën e shqiptarëve, na la porosinë t’i mbetemi përjetë besnik lirisë”.

Ish-kryeministri Haradinaj e ka falënderuar kryetaren e LSI-së Monika Kryemadhi që ka qenë bashkë me familjen e tij derisa kanë bërë homazhe në Varrezat e Dëshmorëve në Gllogjan.

“Mirënjohës Kryetares së LSI-së Monika Kryemadhi që na u bashkua sot në Gllogjan, si dhe të gjithë atyre që përgjatë gjithë jetës së tij e nderuan nga të gjitha trojet e atdheut. I përjetshëm kujtimi për ty, plak”.

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera