[wp-story]

Lajme

Haradinaj flet pas refuzimit të Kushtetueses për kërkesën e tij rreth dorëheqjes

Haradinaj flet pas refuzimit të Kushtetueses për kërkesën e tij rreth dorëheqjes
17:31 | 04 Shtator 2019

Kryeministri në dorëheqje, Ramush Haradinaj, ka komentuar vendimin e Gjykatës Kushtetuese që e shpalli të papranueshme kërkesën e tij, me të cilën kishte kërkuar definimin e kompetencave dhe funksionimit të Qeverisë, pas dhënies së dorëheqjes së Kryeministrit.

Në kohën e publikimit të vendimit të Gjykatës Kushtetuese, kryeministri në dorëheqje Ramush Haradinaj po mbante një konferencë për media me partnerin e tij në koalicionin parazgjedhor AAK-PSD, Shpend Ahmeti.

Ai ka thënë se akoma s’e ka lexuar vendimin, por se ka shtuar që është mirë që “ideja e tij që popullit t’i kthehet vendimi, po shkon në vend”.

“S’e kam lexuar vendimin. S’kërkojmë kompetenca. Ne kemi kërkuar zgjedhje, që mandati me iu kthy sovranit, e kjo ka ndodh. Por Kosova s’guxon të mbesë në vakum qeverisës. Për këtë arsye iu pata drejtuar Gjykatës Kushtetuese. Për fat të mirë ka ndodh ajo që po kthehet vendimi te populli, por s’mundemi të mbesim pa qeveri. Kam dhënë dorëheqje në bazë të kushtetutës, e jo dezertim. S’mund të mbetet vendi pa kujdestar të temave të jetës”, ka thënë ai.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera