Bota/Rajoni

Hakohen llogaritë në “Twitter” të Obamas, Bidenit e të famshmëve të shumtë

Hakohen llogaritë në “Twitter” të Obamas, Bidenit e të famshmëve të shumtë
19:04 | 16 Korrik 2020

Hakerë të paidentifikuar kanë sulmuar llogaritë në Twitter të shumë politikanëve, të famshmëve dhe kompanive të mëdha në kuadër të një mashtrimi lidhur me Bitkoinin.

Pre e sulmeve ishin ish-presidenti amerikan, Barack Obama, kandidati presidencial demokratik, Joe Biden, dhe një numër i miliarderëve të teknologjisë, përfshirë bashkëthemeluesin e Microsoftit, Bill Gates, dhe Elon Muski, drejtor ekzekutiv i Teslas.

Hakerët kanë sulmuar po ashtu të famshmit, si Kanye West dhe gruan e tij, Kim Kardashian. Me këtë rast, përmes postimeve të rreme ofroheshin nga 2 mijë dollarë për çdo 1 mijë dollarë dërguar në një adresë anonime në Bitcoin.

Fushata e Bidenit ka bërë të ditur se ekipet e “Twitterit” kanë mbyllur llogarinë e politikanit brenda pak minutash. Ndërkaq, Zyra e Obamës nuk e ka komentuar rastin. FBI-ja ka konfirmuar vetëm se është në dijeni të sulmit kibernetik.

Comodita nis 35 kontejnerë me dyshekë për në SHBA

Të tjera