Ekonomi

Haki Abazi i VV-së në 8 vitet e fundit bleu 400.000 € patundshmëri

Haki Abazi i VV-së në 8 vitet e fundit bleu 400.000 € patundshmëri
12:00 | 14 Gusht 2020

Nga viti 2012 deri në vitin 2020 ish-zëvendëskryeministri i Kosovës, Haki Abazi, ka blerë patundshmëri në vlerë prej hiç më pak se 400 mijë euro, raporton portali “Front Online”.

Abazi nga lëvizja “Vetëvendosje” në formularët e Agjencisë Kosovare Kundër Korrupsionit ka deklaruar pasuri të veten dhe familjare në vlerë prej rreth 1 milion euro.


Ai posedon letra me vlerë prej rreth 150 mijë dollar amerikan, ku 73 mijë  i ka deklaruar në vitin 2017, ndërsa 75 mijë në vitin 2008 nga kursimet dhe paga .
Në vitin 2012 ka deklaruar shtëpi në vlerë prej 250 mijë euro, 2 banesa të blera në vlerë prej 150 mijë euro i ka deklaruar nga viti 2013-2016, ka deklaruar një shtëpi tjetër në vlerë prej 300 mijë euro të trashiguar nga familja nga viti 1980 dhe një shtëpi tjetër dhe një arë të trashëguar poashtu në vlerë prej mbi 100 mijë euro.

Abazi dy shtëpitë dhe një arë i ka deklaruar si pronë të prindit, shtëpinë prej 250 mijë euro e ka deklaruar si të përbashkët dhe dy banesat në vlerë prej 150 mijë euro i ka deklaruar se janë pronë e tij.

Ish-numri dy i Qeverisë “Kurti” ka deklaruar edhe 207 mijë euro kredi për shtëpi dhe 40 mijë euro si bursë studimi. Ai ka deklaruar se aktualisht nuk merrë pagë, ndërsa paga e bashkëshortes në SHBA është 4000 euro neto në muaj. /FrontOnline/

 

 

 

 

 

 

 

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera