×
  • Lajme
  • Lajme

    Gucati: S’besoj që Thaçi dhe Veseli ndërhynë në punën e Speciales, sepse janë sponsorë të saj

    FrontOnline
    24 Qershor 2020

    Kryetari i OVL-së së UÇK-së Hysni Gucati ka thënë se në listën që ata e posedojnë me emrat e të gjithë atyre që janë ftuar nga Gjykata Speciale nuk është ai i presidentit Hashim Thaçi.

    “Deri më tash janë ftuar 273 persona në Gjykatën Speciale. Si organizatë e veteranëve të luftës të UÇK-së i kemi të gjithë emrat dhe mbiemrat, ku mbi 60 për qind janë në cilësi të dëshmitarit dhe të tjerët janë të dyshuar. I vetmi është emri i Hashim Thaçit që në listën tonë nuk ekziston që ka qenë i ftuar ndonjëherë nga Gjykata Speciale”.

    Gucati në Rubikon të Klan Kosovës është shprehur i bindur se Hashim Thaçi dhe Kadri Veseli nuk kanë ndërhyrë në punën e Gjykatës Speciales pasi, sipas tij, ata kanë qenë sponsorët kryesorë të krijimit të saj.

    “Nuk besoj që [Hashim] Thaçi dhe [Kadri] Veseli kanë tentuar të ndërhyjnë, sepse vetë kanë qenë sponsorë të kësaj gjykate në Kuvendin e Kosovës bashkë me LDK-në që kanë qenë në qeverisje dhe ju e dini reagimin tonë për këtë gjykatë. Kjo Gjykaëtë Speciale është kthyer bumerang sot”.

    Ai ka thënë se “ky është një grusht i dytë për pjesëtarët dhe luftën e UÇK-së”.

    “Nuk është në pyetje individi – Hashim Thaçi ose Kadri Veseli – por UÇK-ja, sepse Hashim Thaçi ka qenë kupolla e UÇK-së – ka qenë drejtor i Zyrës Politike të UÇK-së. Ky është një sulm i fortë që i është bërë sot pjesëtarëve të UÇK-së kur janë ngritur dy aktakuza për dy figura të ndritshme të luftës”.

    “Ne e kemi thënë edhe në muajin shkurt që shumë shpejt do të ngritën aktakuzat, sepse në takimet me ndërkombëtarët e kemi diktuar që aktakuzat do të ngritën te hierarkia e lartë ushtarake ndonëse nuk kemi menduar për Hashim Thaçin dhe Kadri Veselin. Kemi menduar për komandantët e zonave ose Shtabit të Përgjithshëm”.

    Gucati ka ripërsëritur qëndrimin tashmë të ditur të Organizatës së Veteranëve të Luftës së UÇK-së për Gjykatën Speciale.

    “Ne e kemi thënë se kjo gjykatë është raciste dhe e papranueshme për ne. Është gjykatë e njëanshme. Kjo gjykatë e dënon vetëm një etni dhe një ushtri – e dënon UÇK-në që ka bërë luftë të drejtë për të mbrojtur shtëpinë dhe fëmijët tanë. Nuk kemi bërë gjenocid”.

    Ai ka thënë se çdo pjesëtar i UÇK-së duhet ta ndjejë veten krenar për luftën që kanë bërë për vendin e tyre.

    Vizitë në KEDS nga Avokati i Popullit Naim Qelaj dhe përfaqësueset e UN Women Kosovo
    Nga Rubrika
    Lajme15 Korrik 2024
    Presidentja Vjosa Osmani e ka emëruar Nita Shalën ambasadore të Kosovës në Itali. Osmani njoftoi se ish-ministrja e Drejtësisë do të jetë...
    Lajme15 Korrik 2024
    Ministria e Drejtësisë ka publikuar të hënën vendimet për emërimin e 100 noterëve të rinj. Në mësim e emrave që janë emëruar...
    Lajme15 Korrik 2024
    Inspektorati Policor i Kosovës ka publikuar raportin e inspektimit të jashtëzakonshëm lidhur me “Vlerësimin e trajtimit dhe procedimit të rasteve të trafikimit...
    Të tjera
    Bota/Rajoni15 Korrik 2024
    Një alarm i kuq është në fuqi për të gjithë Kroacinë, pasi vendi vazhdon të përkeqësohet nga një valë e të nxehtit,...
    Vip15 Korrik 2024
    Një prej ish-banoreve më të komentuara të “BBV3”, Rike Roçi, ka qenë mbrëmjen e sotme e ftuar në “Top Arena”. Ajo ka...
    Sport15 Korrik 2024
    Xherdan Shaqiri njoftoi sot për pensionimin nga Kombëtarja e Zvicrës, të cilës i dha shumë gjatë 14 vjetëve sa luajti atje. Ylli...
    Lajme15 Korrik 2024
    Drejtori i IKD-së, Ehat Miftaraj, ka reaguar lidhur me debatin e fundit rreth çmimeve në plazhet e Shqipërisë. Miftaraj ka theksuar se...
    Lajme15 Korrik 2024
    Presidentja e Republikës së Kosovës, Vjosa Osmani, ka pritur sot në takim ambasadorin e Mbretërisë së Bashkuar në Kosovë, Jonathan Hargreaves, me...
    Lajme15 Korrik 2024
    Forcat e Armatosura Shqiptare do të marrin një ndihmë prej 13 milionë eurosh nga Bashkimi Europian. Këshilli Europian e ka miratuar sot...

    FrontOnline, © 2024 Të gjitha të drejtat e rezervuara.