Pavarësisht tensioneve dhe konflikteve të herë pas hershme, Greqia ka treguar solidaritetin e saj ndaj Turqisë, pas tërmeteve vdekjeprurëse që shkaktuan vdekjen e 1498 personave dhe plagosjen e 8,533 të tjerëve ditën e sotme.
Bëhet me dije se nga Greqia janë nisur një ekip kërkimi dhe shpëtimi.
Mediat turke shkruajnë se Greqia ka dërguar si ndihmë një aeroplan transporti ushtarak i tipit C-130 që mban 21 zjarrfikës me ekspertizë në punën e kërkim-shpëtimit, dy qen special, materiale ndihme mjekësore dhe humanitare. Po ashtu, ekipi do të shoqërohet nga disa mjekë.
Ky lajm është bërë i njohur dhe nga autoritetet greke. Në një postim në Twitter, Ministri i Emigracionit dhe Azilit në Greqi, Notis Mitarakis, shprehu ngushëllimet e tij popullit të Turqisë dhe Sirisë për tërmetet shkatërruese.
Warmest condolences to the people of 🇹🇷 and 🇸🇾 for the devastating earthquakes. 🇬🇷 immediately sent humanitarian assistance and specialized teams. We are neighbors, we need to support each other at times of difficulty.
— Νότης Μηταράκης – Notis Mitarachi (@nmitarakis) February 6, 2023
Kujtojmë që deri tani janë raportuar të paktën 1,498 humbje jete, ndërsa janë plagosur 8,533 persona pas dy tërmeteve të forta që goditën Turqinë jugore të hënën, sipas agjencisë së fatkeqësive të vendit AFAD.
