Glauk Konjufca i cili në zgjedhjet e 14 shkurtit ka bartur numrin 3 në listën e kandidatëve për deputet nga Lëvizja Vetëvendosje në Obiliq ka arritur të mposhtet me vota nga Vjosa Osmani e cila në këtë listë barte numrin dy.

Në rezultatet e formularëve të 34 vendvotimeve të Obiliqit, Vjosa Osmani ka arritur të marrë 4 mijë e 133 vota, shkruan Front Online.

Ndërsa, Glauk Konjufca sipas të njëjtëve formularë ka marrë vetëm 2 mijë e 976 vota apo 1 mijë e 157 vota më pak se Vjosa Osmani.

Sipas të dhënave preliminare të Komisionit Qendror të Zgjedhjeve, për zgjedhjet parlamentare të mbajtura më 14 shkurt 2021, Lëvizja Vetëvendosje e udhëhequr nga Albin Kurti, fitoi rreth 48 për qind, pasuar nga Partia Demokratike e Kosovës me 17.35 për qind.

E treta është radhitur Lidhja Demokratike e Kosovës me 13.18 për qind dhe në vendin e katërt është Aleanca për Ardhmërinë e Kosovës me 7.42 për qind./Front Online/