Bota/Rajoni

Gjysma e shteteve të ShBA-së shënojnë rritje të rasteve të virusit, disa shënojnë rekorde

Gjysma e shteteve të ShBA-së shënojnë rritje të rasteve të virusit, disa shënojnë rekorde
13:19 | 23 Qershor 2020

Po vazhdon gjendja shqetësuese me pandeminë në Shtetet e Bashkuara. 29 shtete të ShBA-së kanë raportuar rritje të numrit të rasteve.

Më shumë se gjysma e shteteve të ShBA-së kanë raportuar rritje të numrit të rasteve të koronavirusit. Disa prej tyre madje kanë shënuar shifra rekorde. Në kohën kur është ngjallur frika për një valë të dytë të infeksioneve, zyrtarët e shëndetit publik kanë paralajmëruar se vala e parë është larg fundit.

Sipas të dhënave të Universitetit “Johns Hopkins”, 29 shtete të Shteteve të Bashkuara kanë raportuar rritje të numrit mesatar të rasteve për periudhën 7-ditore.

Shtetet me rritjen më të madhe janë Georgia, Florida dhe Teksasi, të cilat ishin gjithashtu ndër të parat që i lehtësuan masat kufizuese, shkruan “The Guardian”.

Pavarësisht gjendjes së rëndë, presidenti amerikan, Donald Trump, tha të shtunën se ka kërkuar nga zyrtarët që ta kufizojnë testimin e njerëzve në mënyrë që të kufizohet numri i rasteve me koronavirus.

Të dielën, Shtëpia e Bardhë tha se kjo deklaratë e kreut të Shtëpisë së Bardhë ishte shaka, por ai të hënën përsëri tha se numri i rritur i testimeve është problem.

“Na bën të dukemi sikur kemi më shumë raste se vendet e tjera, sidomos proporcionalisht”, deklaroi presidenti amerikan.

Natën e Kurban Bajramit Petrol Company shpërndan 40 pako ushqimore për fëmijët jetim në Kosovë

Të tjera