[wp-story]

Lajme

Gjykimi në Speciale pritet të fillojë këtë vit

Gjykimi në Speciale pritet të fillojë këtë vit
22:26 | 02 Janar 2021

Në cilësinë e të dyshuarve apo edhe dëshmitarë, Zyra e Prokurorit të Specializuar ka ftuar mbi 200 persona.

Që nga nëntori vuajnë paraburgimin në Hagë.

Ish-krerët e UÇK-së dhe Salih Mustafa po akuzohen për krime lufte nga Zyra e Prokurorit të Specializuar derisa këta të fundit pretendojnë se Hysni Gucati e Nasim Haradinaj nga OVL e UÇK-së janë të përfshirë në pengim të drejtësisë.

Të gjithë këta veçse kanë kërkuar nga gjyqtari i procedurës paraprake që të lirohen me kusht, por francezi Nicola Giju ende nuk ka dhënë përgjigje përveç për kërkesën e komandant Calit, të cilën nuk e aprovoi.

E fat të njëjtë sipas juristit Kushtrim Palushi do të kenë edhe të tjerët.

Pos kësaj kërkese, mbrojtja e të akuzuarve po kërkon nga gjykata speciale që gjykimi ndaj klientëve të mos fillojë deri në verën e vitit 2022.

Por me këtë gjë nuk po pajtohen assesi prokurorët e specializuar, të cilët po kërkojnë fillim të gjykimit në vitin 2021.

Edhe për këtë do vendos gjyqtari, mirëpo nga IKD insistimi i prokurorëve për fillim të gjykimit po shihet si qasje selektive.

Ani pse e kanë këtë kërkesë, prokuroret nuk po ndalen me kaq.

Në cilësinë e të dyshuarve apo edhe dëshmitarë, Zyra e Prokurorit të Specializuar ka ftuar mbi 200 persona në intervistim.

Deri më tani publikisht aktakuzë të konfirmuar kanë Hashim Thaçi, Kadri Veseli, Rexhep Selimi, Jakup Krasniqi, Salih Mustafa e Nasim Haradinaj dhe Hysni Gucati.

Kush ështe kosovari THE VICTOR që synon tregun e jashtëm? (video)

Të tjera