Gjykata Themelore në Prishtinë ka njoftuar se ua ka caktuar masën e paraburgimit prej një muaji dy sulmuesve të grupit kriminal serb B.S dhe D.M, të cilët dyshohen për vepra të rënda kundër rendit kushtetues dhe sigurisë së Republikës së Kosovës nga neni 126 i KPKS – së dhe kryerja e veprave terroriste nga neni129 i Kodit Penal të Republikës së Kosovës.
“Të pandehurve B.S dhe D.M iu është caktuar masa e paraburgimit në harmoni me nenin 182 të KPPRK dhe nenin 184 paragrafi 1 nën paragrafi 1.1 e 1.2 pika 1.2.1, 1.2.2 dhe 1.2.3 dhe paragrafit 1.3 të KPPRK-së”, thuhet në njoftim.
“Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë”./Front Online
