×
  • Bota/Rajoni
  • Bota/Rajoni

    Gjuriq e quan Cramonin “dashnore” të Kurtit: Ai është i mirë edhe kur vret

    FrontOnline
    21 Tetor 2021

    Ish-vartësi i presidentit Vuçiq që tani shërben si ambasador i Serbisë në ShBA, Marko Gjuriq, ka sulmuar Raportuesen për Kosovën në Parlamentin Evropian, Viola von Cramon për mbështetjen që ajo i ka dhënë aksionit policor kundër kontrabandës në veri.

    Gjuriq e ka quajtur eurodeputeten gjermane si “dashnore të kryeministrit Kurti” shkruan, B92.

    “Në vend se të kundërshtojë aksionin e policisë si eurodeputete, Von Cramon kritikoi Josep Borrellin i cili tha se aksioni ishte i njëanshëm. Von Cramon mendon që disa serbë që janë në Kosovë duhet të jenë njerëz të këqinj teksa i dashuri i saj Kurti duhet të jetë i mirë edhe kur ai vret”, ka thënë Gjuriq.

    Raportuesja për Kosovën në Parlamentin Europian, Viola von Cramon, i ka reaguar Përfaqësuesit të Lartë të BE-së, Josep Borrell, duke thënë se ai duhet të kritikojë shtetet ku nuk po implementohet sundimi i ligjit dhe se aksionet ditore të Policisë nuk i takojnë dialogut.

    Borrell, pas aksionit të Policisë së Kosovës sot, që përfshiu edhe veriun e Kosovës së bashku me pjesë të tjera, kishte reaguar në Tëitter duke thënë se incidentet e dhunshme në veri të Kosovës duhet të ndalen. Dhe se veprimet e njëanshme dhe të pakoordinuara që rrezikojnë stabilitetin janë të papranueshme.

    “Ju lutem kritikoni shtetet ku sundimi i ligjit nuk implementohet. BE-ja duhet t’i përkrahë shtetet që e luftojnë krimin e organizuar dhe korrupsionin. Institucionet shtetërore që kryejnë punën e tyre meritojnë respektin tonë të plotë. Dialogu i ndihmuar nga BE-ja nuk ka të bëjë me operacionet ditore të Policisë”, ka shkruar Von Cramon në Twitter, , transmeton Gazeta Express.

    Borrell kishte shkruar se incidentet duhet të ndalen dhe të përqëndrohemi në dialog.

    “Incidentet e dhunshme në veri të Kosovës duhet të ndalen menjëherë. Veprimet e njëanshme dhe të pakoordinuara që rrezikojnë stabilitetin janë të papranueshme. Të gjitha çështjet e hapura duhet të adresohen përmes Dialogut të lehtësuar nga BE. Ne jemi në kontakt me Beogradin dhe Prishtinën”, ka shkruar Borrell.

    Kjo deklaratë e tij ka nxitur reagime të shumta të shqiptarëve në profilin e Borrellit në Twitter.

    Komentues të shumtë e kanë pyetur se përse duhet të dialogohet në Bruksel luftimi i krimit dhe korrupsionit.

    Reagim ka pasur madje edhe nga Luan Dalipi shef i stafit të kryeministrit. Dalipi ka kërkuar nga Borrell që të mos e portretizoj dhunën e nxitur nga huliganët serb si problem ndëretnik, shkruan Telegrafi.

    “I dashur z.Borrell, faleminderit për shqetësimin tuaj. Është e rëndësishme që të mos portretizohet dhuna fatkeqe e nxitur nga disa huliganë të orkestuar nga Beogradi si një problem ndëretnik midis qytetarëve shqiptarë dhe serbë në Kosovë”, ka shkruar Dalipi.

    Black Friday –  Eja dhe ndaj emocionet e zbritjes ekstreme në Comodita Home
    Nga Rubrika
    Bota/Rajoni19 Mars 2024
    Skena tmerri janë përjetuar natën e 1 marsit nga punonjësit e një minimarketi 7-Eleven në Denver, kur një burrë hyri në dyqan...
    Bota/Rajoni19 Mars 2024
    Një tërmet me magnitudë 5.4 ballë i shkallës Rihter është regjistruar në orët e para të mëngjesit në kufirin mes Afganistanit dhe...
    Bota/Rajoni19 Mars 2024
    Ministrat e Jashtëm të vendeve anëtare të BE-së ranë dakord në një takim në Bruksel për planet përkatëse për të vendosur për...
    Të tjera
    Lajme19 Mars 2024
    Policia e Kosovës ka arrestuar një person pasi i njëjti ka sulmuar fizikisht vëllaun e tij, shkruan Front Online. Sipas Policisë së...
    Bota/Rajoni19 Mars 2024
    Një tërmet me magnitudë 5.4 ballë i shkallës Rihter është regjistruar në orët e para të mëngjesit në kufirin mes Afganistanit dhe...
    Lajme19 Mars 2024
    Zëvendëskryeministri i Kosovës, Besnik Bislimi dhe kryenegociatori i Serbisë, Petar Petkoviq, pritet të takohen sot në Bruksel. Javën që shkoi Bashkimi Evropian...
    Sport19 Mars 2024
    Seria e Antoine Griezmann prej 84 paraqitjesh radhazi do të marrë fund. Sulmuesi i Atléticos së Madridit ka pësuar një lëndim në...
    Sport19 Mars 2024
    Trajneri i kombëtares olimpike franceze, Thierry Henry, ka thënë se Real Madridi nuk është i gatshëm të dërgojë lojtarët e tyre francezë...
    Lajme19 Mars 2024
    Ish-zëvendëskryeministrja, Edita Tahiri duke folur për Front Online tha se Qeveria aktuale e faktorizuan çështjen e dinarit. Ajo tha se u faktorizuan...

    FrontOnline, © 2024 Të gjitha të drejtat e rezervuara.