Një qytetar në Prishtinë është dënuar në vlerë prej 50 eurosh për shkak që e ka parkuar veturën në hapësirë të gjelbëruar.
Drejtori i Inspekcionit në Prishtinë, Adonis Tahiri, përmes një postimi në Facebook, ka bërë të ditur se sot ka shqiptuar një gjobë për ngasësin e makinës, pasi e kishte parkuar në një hapësirë e cila ishte e ndaluar për parkim.
Drejtoria e Inspekcionit po vazhdon me shqiptimin e gjobave për të gjithë ata që nuk veprojnë në përputhje me rregullat për shfrytëzimin e hapësirës publike.
