Lajme

Gjilani në pritje të rezultateve për 40 të dyshuar për koronavirus

Gjilani në pritje të rezultateve për 40 të dyshuar për koronavirus
16:38 | 06 Korrik 2020

Mbrëmë janë konfirmuar shtatë raste të reja me koronavirus në Gjilan, duke bërë kështu që numri i rasteve aktive në këtë komunë të shkojë në 62.

Detaje rreth numrit të testimeve dhe gjendjes së të infektuarve ka dhënë nënkryetari i komunës, Arbër Ismajli.

Sipas tij, nga ky qytet sot janë marrë 40 mostra për testim, derisa thotë se gjendja e të prekurve me COVID-19 është e mirë.

“Sot janë marë rreth 40 mostra në Gjilan. Raste aktive i kemi 62 momentalisht. Gjendja sipas mjekëve është stabile”, ka thënë Ismajli për Express.

Ndryshe, dje në Laboratorin e Mikrobiologjisë Molekulare në IKSHPK, janë testuar gjithsej 324 mostra të marra nga Klinika Infektive dhe gjurmimi i kontakteve të rasteve në terren, prej të cilëve rezultojnë 152 raste pozitive.

Rastet pozitive janë nga Prishtina, Prizreni, Fushë Kosova, Vushtrria, Mitrovica, Gjilani, Drenasi, Gjakova, Skenderaj, Kacaniku, Lipjani, Obiliqi, Peja, Rahoveci, Kamenica, Malisheva, Suhareka, Vitia, Ferizaj, Graçanica, Klina, Mamusha, Shtimja dhe Zubin Potoku.

Apliko online për kredi në IBAS, përfito subvencionim nga Qeveria

Të tjera