Komiteti për menaxhimin dhe parandalimin e përhapjes së COVID-19, i cili është udhëhequr nga nënkryetari i Gjilanit, Arbër Ismajli, ka mbajtur sot takimin e radhës për vlerësimin e situatës me virusin në këtë komunë, bëjnë të ditur nga zyra për informim e kësaj komune.

Ismajli ka njoftuar se aktualisht janë 168 raste aktive me COVID, duke bërë apelin për respektimin e masave kundër përhapjes së virusit, bartjen e maskave dhe mos grumbullimin.

“Gjendja e përgjithshme në Gjilan është si vijon: Nga 9113 mostra, 3395 kanë rezultuar pozitivë, 3123 janë shëruar, 105 kanë ndërruar jetë, raste aktive janë 168, të konfirmuar me COVID-19 në hospitalizim janë 19 persona dhe 109 mostra në pritje për rezultat”, thuhet në komunikatë.