Meqenëse dje ishte ditë zie, nuk u zhvilluan tri ndeshjet e mbetura të javës së 15-të në Superligën e Kosovës, raporton FrontOnline.

Ndërkaq, sot, në mesditë, është koha që t’i shijojmë emocionet e elitës së futbollit kosovar.

Sot, do të zhvillohen tri ndeshjet e fundit të javës së 15-të, ku vëmendja kryesore është në derbin e Anamoravës.

Në Gjilan, do të zhvillohet derbi më i madh lokal mes Gjilanit dhe Dritës.

Sot luhen tri ndeshjet e mbetura të javës së 15-të në Superligë, vëmendja në derbin Gjilani – Drita

Të dyja skuadrat po luftojnë për titullin kampion këtë edicion, andaj vetëm fitorja është opsion për të dyja skuadrat.

Kompania e madhe e basteve, “bet365” ka publikuar tashmë kuotat e këtyre ndeshjeve.

Gjilani është favorit në derbi me kuotë 2.25, barazimi vlen 3.00, kurse fitorja e Dritës poashtu 3.00.

Në dy ndeshjet tjera, Drenica e pret Llapin në “Bajram Aliu”, kurse Ballkani e sfidon Malishevën në Suharekë.

Nga “bet365”, Ballkani është favorit absolut me 1.57, barazimi vlen 3.40, kurse fitorja e mysafirëve me 5.50.

Ndërkaq, Llapi është favorit i lehtë ndaj Drenicës me kuotë 2.60, barazimi vlen 2.87 dhe fitorja e drenicasve me 2.62.

Të tria ndeshjet e sotme nisin nga ora 13:00./FrontOnline/