Bota/Rajoni

Gjermania përjashton mbylljen shkaku i COVID-19 gjatë dimrit

Gjermania përjashton mbylljen shkaku i COVID-19 gjatë dimrit
12:58 | 02 Shtator 2020

Ministri gjerman i Shëndetësisë, Jens Spahn ka thënë se mund të shmanget një mbyllje e dytë gjatë dimrit, si mënyrë e mbajtjes nën kontroll të COVID-19, me gjithë numrin gjithnjë e më të madh të të infektuarve, raporton “The Guardian”, transmeton KOHA.

Pasi që fillimisht numri i të infektuarve dhe të vdekurve ka qenë relativisht i ulët krahasuar me shtetet tjera evropiane, numri i rasteve të reja në Gjermani është rritur jashtë mase gjatë javëve të kaluara, duke shtuar shqetësimin për një valë të dytë.

“Me siguri se s’do të na kërkohet kjo në gjithë vendin”, ka thënë ai duke shtuar se autoritetet rajonale mund të marrin masa vetë. “Ne mund të hyjmë në vjeshtë dhe dimër me besim”, ka deklaruar ai në një konferencë për media.

Ai ka shtuar se qytetarët duhet t’iu përmbahen masave të higjienës e bartjes së maskës.

“Jemi duke mësuar ku janë rreziqet më të mëdha, dhe fatkeqësisht janë kur shoqërohemi apo festojmë bashkë”, ka shtuar ai.

Kancelarja Angela Merkel javën e shkuar kishte paralajmëruar se situata mund të përkeqësohet gjatë dimrit. E vendosur të mbajë ekonominë e fuqishme dhe shkollat hapur, Merkel ishte pajtuar me liderët rajonalë që të mos lejojnë organizimin e ngjarjeve të mëdha deri në fund të vitit dhe ka shtrënguar masat për udhëtarët që vijnë nga shtetet me rrezik të lartë.

Virologu Christian Drosten, që këshillon qeverinë, ka thënë se shkurtimi i periudhës së karantimit në pesë ditë nga dy javë ka mundësi të bëhet realitet.

Deri tash në Gjermani janë regjistruar 246 mijë të infektuar. 9320 persona kanë humbur betejën me COVID-19.

Prince Coffee House tani edhe në Vjenë të Austrisë

Të tjera