Auto

Gjermania kundërshton ndalimin e makinave me motorë me djegie të brendshme nga viti 2035

Gjermania kundërshton ndalimin e makinave me motorë me djegie të brendshme nga viti 2035
15:36 | 22 Qershor 2022

Qeveria gjermane nuk do të pajtohet me një plan të BE-së që do të ndalonte de facto shitjen e makinave të reja me motorë me djegie të brendshme nga viti 2035, tha të martën ministri gjerman i Financave, Christian Lindner.

Për të reduktuar emetimet e gazeve serrë me 55 për qind deri në vitin 2030 nga nivelet e vitit 1990, Komisioni Evropian ka propozuar zvogëlimin e emetimeve të CO2 nga makinat e reja në zero deri në vitin 2034.

Kjo de facto do të thotë ndalim i shitjes së makinave me motorë me djegie të brendshme.

Eurodeputetët mbështetën propozimin e Brukselit këtë muaj dhe negociatat janë duke u zhvilluar me vendet e BE-së për një projekt-ligj përfundimtar.

Ministri gjerman i Financave njoftoi të martën një pengesë për këtë plan.

Do të ketë ende nevojë për motorët me djegie të brendshme, kështu që ndalimi është i gabuar, tha Lindner në një tubim të organizuar nga Shoqata Gjermane e Industrisë.

Qeveria nuk do të pajtohet me një ligj të tillë evropian, tha ministri gjerman i Financave, duke theksuar se Gjermania do të vazhdojë të jetë tregu lider për automjetet elektrike./FrontOnline/

Petrol Company sërish troket në dyert e Shtëpisë së Pleqve për Ramazan

Të tjera