Lajme

Gjermania i merr nga Kosova eshtrat e fshehur të dy ushtarëve

Gjermania i merr nga Kosova eshtrat e fshehur të dy ushtarëve
20:34 | 03 Gusht 2021

Pjesë kockore dhe gjësende që u takonin dy ushtarëve gjermanë të vrarë që nga Lufta e Dytë Botërore u gjetën në fshatin Popovë të Podujevës.

Gërmimet u bënë nga institucionet vendore dhe ato gjermane në pronën e familjes Rexha.

Pas gjetjes së ushtarëve në fjalë janë varrosur në vendin e tyre, kurse në oborrin e shtëpisë së moçme të këtij fisi qëndron kryqi përkujtimor me përshkrimin në shqip dhe gjermanisht “Këtu kanë pushuar dy ushtarë gjermanë nga 1944 deri më 2021”.

Sylejman Rexha ka rrëfyer se si fisi i tyre, më saktësisht gjyshi dhe babai i tij që të dy tashmë të ndjerë, kishin varrosur dy ushtarët që u vranë në dyluftim me partizanët para 77 vjetëve.

Për krejt këto dekada familja nga Popova vendndodhjen e varrit të gjermanëve e kishin mbajtur sekret përderisa për këtë veprim Gjermania e dekoroi Sylejman Rexhën me mirënjohje si dhe “Kryqin e argjend të nderit”./klankosova/

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera