Gjermania do të bëhet shteti i parë anëtar i BE-së që fillon përdorimin e trajtimit eksperimental me antitrupa, që ndihmuan ish-presidentin e SHBA-së Donald Trump të shërohet nga COVID-19, tha ministri i Shëndetësisë Jens Spahn.

“Qeveria bleu 200,000 doza për 400 milionë euro,” tha Spahn për gazetën gjermane “Bild am Sonntag”.

Të ashtuquajturat kokteje monoklonale me antitrupa do të shpërndahen në spitalet universitare në javën e ardhshme, tha ai, duke shtuar se Gjermania është vendi i parë në BE që i përdor ato në luftën kundër pandemisë, njofton e përditshmja britanike Guardian.

Spahn nuk përmendi një prodhues që do të jepte ilaçet, por ai konfirmoi se ishte i njëjti që mori ish-presidenti Trump kur u sëmurë më 19 tetor të vitit të kaluar.

“Ata veprojnë si një vaksinë pasive. Administrimi i këtyre antitrupave në fazat e hershme mund të ndihmojë pacientët me rrezik të lartë të shmangin progresin më serioz,” tha Spahn.