Një person është gjetur i vdekur këtë të martë në lumin “Drini i Bardhë” në Klinë.
Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi.
“Policia dhe mjeku kujdestar menjëherë kanë dal në vendin e ngjarjes. Mjeku e ka konstatuar vdekjen e viktimës”, deklaroi Gashi, duke mos dhënë më shumë detaje pasi tha se hetimet janë duke vazhduar.
Ndryshe, edhe më 22 maj një prson kishte rënë në lumin e fshatit Deiq të Klinës. I njëjti më pas ishte gjetur 500 metra larg nga vendi ku peshkatarët e kishin parë duke rënë./Front Online