[wp-story]

Lajme

Gjakova e gatshme t’i ndihmojë me ujë të pijes banorët e rajonit të Gjilanit dhe Ferizajt

Gjakova e gatshme t’i ndihmojë me ujë të pijes banorët e rajonit të Gjilanit dhe Ferizajt
11:31 | 07 Shtator 2019

Kompania Rajonale e Ujësjellësit “Gjakova” ka shprehur gatishmërinë që të ndihmojë banorët e rajonit të Gjilanit dhe Ferizajt me ujë të pijshëm pasi gjendjes jo të mirë në KRU “Hidromorava” dhe KRU “Bifurkacioni”.

Bordi i Shoqatës së Ujësjellësve dhe Kanalizimit të Kosovës kishte kërkuar që të gjitha kompanitë të shprehin gatishmërinë e tyre për ndihmë në furnizim me ujë të pijes të qytetarëve së kësaj ane.

KRU “Gjakova”, pasi ndau shqetësimin për gjendjen e krijuar, thotë se ka kapacitet të kontribuojë me prodhim 500 litra për sekondë ujë të pijes, pa rrezikuar furnizimin për konsumatorët e saj.

Mirëpo, çështja mbetet te transporti pasi KRU “Gjakova” nuk posedon autobote apo ndonjë mënyrë tjetër transporti.

Prandaj, KRU “Gjakova” ka ftuar kompanitë që posedojnë autobote të shkojnë dhe të furnizohen në Gjakovë dhe bashkërisht t’ju dilet në ndihmë kompanive “Bifurkacioni” dhe “Hidromorava”.

Benzinë vetëm 1.05 euro në Petrol Company e shumë zbritje tjera në “Be Happy Restorant” dhe Market

Të tjera