Konzorciumi “ALB Architect & North West” është shpallur fitues i dy lotëve të tenderit të Ministrisë së Drejtësisë, përkatësisht Shërbimit Korrektues të Kosovës, për projektimin dhe mbikëqyrjen për renovimin e Qendrës së Paraburgimit në Gjilan, ndonëse oferta financiare e tyre ka qenë dukshëm më e shtrenjtë se e operatorëve tjerë, raporton portali Front Online.
Sipas dosjes së tenderit, në lotin 1 të këtij tenderi është shpallur fitues “ALB Architect & North West” me një ofertë financiare prej nmë shumë se 198 mijë euro, ndonëse oferta më e lirë për këtë lot ka qenë për 39 mijë euro, saktësisht 159 mijë euro.
Edhe lotin e dytë të këtij tenderi e ka fituar i njejti konzorcium me një çmim prej mbi 142 mijë euro, ndonëse edhe për këtë lot oferta më e lirë ka qenë vetëm 90 mijë euro, apo 52 mijë euro më e lirë se oferta fituese.
Ministria e Drejtësisë, përkatësissht Shërbimit Korrektues e kanë shpallur fitues për të dy lotet konzorciumin “ALB Architect & North West” me ofertën prej më shumë se 340 mijë euro, edhe pse ofertat më të lira për të dy lotet e tenderit kanë qenë vetëm 250 mijë euro, apo rreth 90 mijë euro më të lira se konzorciumi fitues, raporton Front Online.
Portali Front Online ka pritur përgjigje gjatë gjithë javës së kaluar nga Ministria e Drejtësisë dhe Shërbimi Korrektues i Kosovës, mirëpo përkundër premtimeve se do të përgjigjen këta të fundit nuk e kanë bërë një gjë të tillë.
/FrontOnline/
