Për njohësin e çështjeve politike, Safet Gërxhaliun, Marrëveshja Ekonomike që u nënshkrua në Uashingron, është e një rëndësie ekonomike të pakontestuar pasi rikthehet vëmendja tek Kosova si në aspektin politik dhe në atë ekonomik.

“Kjo marrëveshje ka në vete multidimensionalitet, është e rëndësisë ekonomike të pa kontestuar, është e rëndësisë politike dhe strategjike dhe e rëndësisë psikologjike, po ndodh në kohën kur Kosova ka qenë në fund në aspektin politik, në atë ekonomik dhe një moment i tillë është një rikthim i Kosovës në skenën ndërkombëtare”, ka thënë Gërxhaliu.

Për Gërxhaliun implementimi I marrëveshjes së Uashingtonit varet nga Kosova më shumë se sa nga ShBA-ja dhe Serbia.

Marrëveshja e Uashingtonit ndërmjet përfitimit ekonomik dhe politikës

“Suksesi i kësaj marrëveshje nuk varet më nga Amerika, nga Beogradi  varet nga Prishtina dhe nga spektri politik në Kosovë sa ne do të jemi të gatshëm për dialog, për fizibilitet, për sakrificë, për kompromis.

Suksesi dhe implementimi i saj shumë më tepër është në duart e kosovarëve se sa në të Amerikës dhe të Serbisë”, ka thënë ai .