Ekonomi

Gërxhaliu: Është koha që dora e shtetit të jetë në funksion të zhvillimit ekonomik dhe stabilitetit social

Gërxhaliu: Është koha që dora e shtetit të jetë në funksion të zhvillimit ekonomik dhe stabilitetit social
14:51 | 06 Korrik 2020

Sekretari gjeneral në Forumin Investiv të Odave Ekonomike të Ballkanit Perëndimor në Trieste të Italisë, Safet Gërxhaliu, ka thënë se është koha që dora e shtetit të jetë në funksion të zhvillimit ekonomik, stabilitetit social dhe në funksion të proceseve përshpejtuese integruese.

Ai ka deklaruar se emërues i përbashkët i të gjitha problemeve në Kosovë është sundimi i rendit dhe ligjit.

”Në radhë të parë efektet e pandemisë do të jenë të pranishme në Kosovë, mirëpo vendi do të goditet në akseptin ekonomik dhe social. E gjithë këtë e rëndon edhe më tepër mosserioziteti politik në Kosovë. Kjo po na dëmton në aspektin intern dhe ekstern”.

”Në aspektin intern politikanët e kanë shndërruar parlamentin në shou, ku shumë më tepër mbrohen interesat politike dhe të grupeve të interesit sesa të shtetit, që po ndikojnë edhe në aspektin psikologjik te qytetarët. Në aspektin ekstern Kosova është duke e humbur kredibilitetin dhe mbështetjenndërkombëtare”.

”Kjo po dekurajon mbështetësit e pavarësisë së Kosovës duke ndikuar dhe në aspektin e investimeve të huaja direkte, si dhe ikjen e diasporësnga Kosova. Besoj se është momenti që lidershipi ynë të tregojë pjekuri politike, gjithashtu edhe deputetët të jenë në funksion të zhvillimit dhe përmirësimit të imazhit”.

”Nëse vazhdohet kështu, mund të themi se Kosova është më keq sesa para vitit 2008 dhe nuk duhet fajësuar qytetarët, por politikbërësit të cilët nuk e marrin këtë punë me seriozitet”, ka thënë ai për Epoka e Re.

Prince Caffe pjesëmarrës në panairin DUBAI EXPO 2021

Të tjera