Ka përfunduar takimi mes ministres së Jashtme të Kosovës, Donika Gërvalla dhe ministrit të Jashtëm të Greqisë, Nikos Dendias i cili sot po qëndron për vizitë në Kosovë.
Gërvalla pas takimit ka deklaruar se i pret hapat e ardhshëm për marrëdhënie të ndërsjella në fushën e ekonomisë, tregtisë e të politikës.
” Greqia është një fqinjë e rëndësishme për ne. Me Greqinë ndajmë mendimin që integrimi në NATO është i rëndësishëm. Kosova dhe Greqia janë pajtuar që të ngrihet zyra në Athin dhe të kthehet në zyre ekonomike. Njohja dhe pavarësia e vendit tonë përfshirë Greqinë e konsiderojmë si një kontribut për paqe në Ballkan. Duke pasur parasysh faktin që Greqia e sheh pavarësinë e Kosovës nga një kënd tjetër do të vazhdojmë dialogun rreth kësaj çështje. Me kolegun tim biseduam rreth bashkëpunimit kulturor e ekonomik”, ka deklaruara ajo.
Kurse ministri Dendias ka thënë se dëshirojnë të zgjerojnë marrëdhëniet ekonomike dhe tregtare.
“Ne besojmë se i mbarë Ballkani Perëndimor duhet të lidhet. Prania ime këtu është edhe për të përçuar një mesazh që Greqia për dy dekada ka punuar për integrimin në Ballkanin Perëndimor. Ballkani Perëndimor i takon Evropës”, ka thënë ai, raporton Front Online.
Ai ka folur edhe për liberalizimin e vizave duke thënë se kanë mbajtur qëndrim në Këshillin Evropian.
“Ne jemi në favor të liberalizimit të vizave pasi vendi juaj i ka përmbushur të gjitha pika. Si Greqi, keni mbështetjen për sundimin e ligjit, luftën kundër krimit e korrupsionit. Ne jemi këtu nëse keni nevojë për ndihmën tonë në këtë drejtim. Kemi zyrtarë grekë në kuadër të misionit të EULEX-it që punojnë në këtë çështje. Ne pavarësisht qëndrimit tonë neutral dhe statusit të Kosovës, kemi një zyrë në Athinë e cila që nga viti 2019 vazhdon të jetë atje dhe të merret me çështje ekonomike dhe ne shpresojmë që kjo zyrë të jetë ndihmë edhe më shumë në marrëdhëniet tona Greqi-Kosovë”, tha ai.
“E mbështesim dialogun dhe u bëjmë thirrje të dyja palëve që të gjejnë zgjidhje sepse kjo zgjidhje do të stabilizojë të gjithë rajonin”, ka thënë ai./Front Online/
Ish-kryeministri i Kosovës, deputet i Lidhjes Demokratike, Avdullah Hoti, ka reaguar ndaj kryeministrit të Kosovës, Albin Kurti, i cili sot shkroi për...
Emiliano Martínez ishte protagonisti kryesor i kualifikimit të Aston Villas në gjysmëfinale të Ligës së Konferencës pasi priti dy penallti ndaj Lille....
