Përfaqësuesja e Kosovës do ta luajë sonte ndeshjen e fundit në Ligën e Kombeve për këtë edicion, shkruan FrontOnline.
Në kuadër të Ligës C, grupi 2, “Dardanët” do ta zhvillojnë sonte një ndeshje tejet interesante.
Djelmoshat e Alain Giresset janë nikoqirë të Qipros.
Ndeshja në fjalë do të luhet në stadiumin “Fadil Vokrri” në Prishtinë nga ora 20:45.
Kosova dhe Qipro zhvillojnë ndeshjen vendimtare në Grupin 3 të Ligës C në Ligën e Kombeve, shkruan Demokracia.com.
Gazetari qipriot, Thomas Frantzis që ka udhëtuar me Kombëtaren e Qipros në Prishtinë, ka folur për mediumin “Kerkida.net”, medium në të cilin është edhe drejtor.
“Kosova është një ekip i fortë, nuk mund të nënvlerësohet. Si emër mendohet se do të takohet me një kundërshtar të lehtë por nuk është kështu. Ajo përbëhet nga lojtarë që luajnë jashtë vendit, në ekipe të forta. Ata luajnë në shtëpi, edhe ata kanë një audiencë duhet të merren parasysh”, ka thënë ai.
“Kosova do të jetë brenda mundësive tona nëse bëjmë një paraqitje vërtet të mirë dhe nëse nikoqirët nuk kanë një paraqitje të mirë”, shtoi ai.
Pas pesë ndeshjeve, Kosova zë vendin e dytë në grup me gjashtë pikë.
Kurse, Qipro është e fundit në tabelë me pesë sosh./FrontOnline/