Bota/Rajoni

Gazetari meksikan gjendet me kokë të prerë

Gazetari meksikan gjendet me kokë të prerë
09:10 | 10 Shtator 2020

Një gazetar, i cili shkruante për krimin në shtetin e dhunshëm të Veracruz-it, është gjetur i vrarë. Bëhet fjala për një gazetar meksikan, ndërsa mediat lokale raportojnë se ai u gjet me kokë të prerë.

Trupi i Julio Valdivia, 44 vjeç, i specializua në gazetarinë “nota roja” që përqendrohet në krimet e tmerrshme dhe dhunën, u gjet në komunën e largët të Tezonapa, rreth 100 kilometra nga kryeqyteti i Veracruz-it.

Një anëtar i stafit në gazetën lokale të Valdivia, Diario El Mundo në Veracruz tha fillimisht se dyshohej se Valdivia mund të ishte përplasur nga një tren, por kjo u përjashtua nga zyra e prokurorit.

“Valdivia u gjet afër shinave të trenit, u pre koka dhe u torturua,” tha anëtari i stafit të gazetës, i cili nuk dëshironte të identifikohej.

“El Universal” dhe disa media të tjera lokale raportuan se Valdivia iu pre koka, ndërsa vdekja e këtij të fundit e çon në 4 numrin e gazetarëve të vrarë këtë vit në Meksikë.

Në vitin 2019, rreth gjysma e të gjitha vrasjeve të gazetarëve në të gjithë botën ndodhën në Meksikë, sipas Komitetit për Mbrojtjen e Gazetarëve.

“Ne dënojmë vrasjen e Julio Valdivia,” tha qeveria e Veracruz-it në një mesazh në Twitter.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera