[wp-story]

Ekonomi

Gati 800 milionë euro i dërguan mërgimtarët për vetëm 10 muaj në Kosovë

Gati 800 milionë euro i dërguan mërgimtarët për vetëm 10 muaj në Kosovë
22:26 | 26 Dhjetor 2020

Dërgesat e mërgimtarëve vazhdojnë të jenë një burim i rëndësishëm i të ardhurave në Kosovë, e në të njëjtën kohë edhe burim i rritjes ekonomike në vend.

Qytetarët e Kosovës, të cilët jetojnë nëpër vende të Europës dhe botës vazhdimisht dërgojnë shuma të mëdha të mjeteve financiare te familjet e tyre.

Të dhënat e Bankës Qendrore të Kosovës (BQK), tregojnë se shuma e remitancave të dërguara nga diaspora e Kosovës ka shënuar rritje.

Sipas BQK-së gjatë periudhës janar-tetor 2020, vlera e dërgesave nga mërgimtarët arriti në shifrën prej 795.6 milionë euro apo 90 milionë euro më shumë se periudha e njëjtë e vitit 2019.

Maji ka qenë muaji ku më së shumti janë dërguar remitenca. Vlera për këtë muaj arriti në shumën prej 104 milionë euro.

Derisa ka qenë muaji prill ku vlera e dërgesave ishte vetëm mbi 60 milionë euro, derisa ende në këto shumë kontribuojnë ende diaspora nga Gjermania, përcjellë nga Zvicra, Austria, SHBA-ja e Franca.

“Graniti” hap showroom-in e dytë në Prishtinë (VIDEO)

Të tjera