×
  • Lajme
  • Lajme

    Gastronomët paralajmërojnë aksion para Qeverisë e mbyllje totale të lokaleve

    FrontOnline
    21 Korrik 2020

    Shoqata e Gastronomëve të Kosovës të hënën do të organizojë një aksion para Qeverisë së Kosovës. ata po paralajmërojnë edhe mbyllje të lokaleve, nëse Qeveria e Kosovës nuk i shqyrton kërkesat e tyre për orarin e punës, subvencionimin e pagesave e qirave e po ashtu të shtyhen afatet për kthim të kredive.

    Pronarët e bizneseve kosovare po ankohen se vendimet e Qeverisë për kufizim të orarit të punës po i dëmtojnë.

    Për këtë, Shoqata e Gastronomëve të Kosovës, ka përpiluar disa kërkesa të cilat i ka drejtuar Qeverisë së Kosovës për shqyrtim.

    Megjithëse ende nuk kanë marrë ndonjë përgjigje nga Qeveria, gastronomët të hënën do të organizojnë një aksion simbolik para Qeverisë së Kosovës, për të shprehur pakënaqësitë e tyre.

    Këtë për Express e ka konfirmuar kryetari i Shoqatës së Gastronomëve të Kosovës, Petrit Kllokoqi.

    “Një aksion simbolik për të shprehur pakënaqësitë tona do ta organizojmë të hënën më 27 korrik para Qeverisë së Kosovës”, ka deklaruar Kllokoqi.

    Gastronomët kanë paralajmëruar veprime në kërkim të përkrahjes institucionale.

    Përmes një njoftimi në Facebook, Shoqata e Gastronomëve të Kosovës se ky sektor është o goditur jo vetëm nga pandemia, por edhe nga mospërkrahja e shtetit.

    Sipas tyre, gastronomia është në prag të një krize dhe mbyllje të bizneseve.

    “Të lejohet puna me orar te rregullt dhe te merren masa ndaj bizneseve qe nuk respektojnë masat e kërkuara për parandalimin e përhapjes te virusit COVID-19, e jo te ndëshkohen mijëra biznese; Te rishikohet manuali dhe te behet i implementueshem ne praktike, duke zbatuar rregullin tashme te njohur globalisht, për ndarje te hapësirës, 8m2 për person; Te subvencionohet pjesa e qirave ne vlere 50%; Te subvencionohet pagat ne vlerën e pagës minimale te sektorit; Te shtyhet pagesa e obligimeve tatimore ne nivel qendror dhe lokal; Te krijohen lehtësira fiskale, përfshirë uljen e TVSH-se për HoReCa nga 18% ne 8%; Te mundësohet ri programim i kredive me greis periudhe 1 vjeçare”, janë kërkesat që gastronomët kanë për Qeverinë.

    Gastronomët kanë paralajmëruar edhe mbylljen simbolike të lokaleve të hënën më 27 korrik, por nëse nuk iu plotësohen kërkesat, ata thonë se do t;i mbyllin lokalet në tërësi.

    “Nëse nuk kemi veprime institucionale me vendime konkrete, ne përkrahje te sektorit dhe shqyrtim serioz te kërkesave tona, atëherë ne do te fillojmë me veprime konkrete, duke filluar me mbylljen simbolike të të gjitha lokaleve, te hënën me 27 Korrik nga ora 12:00. Nëse nuk kemi veprime edhe më tutje, ne do te detyrohemi t’i mbyllim lokalet ne tërësi”, kanë deklaruar gastronomët.

    Qeveria e Kosovës në masat e reja për parandalimin e përhapjes së virusit COVID-19 ka marrë vendimin që sektori i gastronomisë të punojë nga ora 05:00 deri në orën 21:00.

    Po ashtu, lokalet janë të obliguara të krijojnë hapësirë të mjaftueshme për mbajtjen e distancës fizike, e të jenë të furnizuara me dezinfektues.

    Njoftimi i KEDS: Nesër në këto zona do të ketë punime
    Nga Rubrika
    Lajme29 Mars 2024
    Komisioni Qendror i Zgjedhjeve ka njoftuar qytetarët me të drejtë vote jashtë Kosove se është hapur regjistrimi për votim në katër komunat...
    Lajme29 Mars 2024
    Brukseli po kërkon nga Kosova dhe Serbia që të lëvizin me zbatimin e pikave të marrëveshjes të pavarura nga njëra-tjetra. Zëdhënësi i...
    Lajme29 Mars 2024
    Kryetari i Aleancës për Ardhmërinë e Kosovës, Ramush Haradinaj ka përkujtuar masakrën e Belegut e Irzniqit të Deçanit si dhe të Poterqit...
    Të tjera
    Vip29 Mars 2024
    Sipas një video që po qarkullon në rrjet, reperi Sin Boy është sulmuar brutalisht nga disa persona të maskuar. Sin Boy ishte...
    Lajme29 Mars 2024
    Aleanca për Ardhëmrinë e Kosovës, gjegjësisht Besnik Tahiri ka thënë pas mbledhjes së Kryesisë së Kuvendit se Kurti tashmë është dorëzuar dhe...
    Lajme29 Mars 2024
    Shefi i deputetëve të Partisë Demokratike të Kosovës, Abelard Tahiri, ka thënë se kanë propozuar themelimin e një Komisioni Hetimor për financimin...
    Lajme29 Mars 2024
    Shefi i grupit parlamentar i AAK-së, Besnik Tahiri, dhe ai i LDK-së, Arben Gashi, kanë lëshuar sallën ku po mbahej mbledhja e...
    Bota/Rajoni29 Mars 2024
    Qeveria e Kroacisë ka nisur procedurat për njohjen e ndërsjellë të patentë shoferëve mes Zagrebit dhe Prishtinës. Kjo u bë e ditur...
    Opinione29 Mars 2024
    Nga Ismail Syla Vështrim eseistik për librin e Bajram Kosumit “Enciklopedia Imagjinare, postroman”, Toena, 2023, Tiranë Në Fjalorin e Gjuhës së Sotme...

    FrontOnline, © 2024 Të gjitha të drejtat e rezervuara.