Kryetari i Obiliqit dhe njëherit kandidat për kryetar të kësaj komune, Xhafer Gashi ka takuar strukturat e Grupit të Grave të Iniciativës Qytetare të kësaj komune.
Përmes një postimi në Facebook Gashi tha se prioritet i qeverisjes së tij gjithmonë ka qenë fuqizimi i rolit te gruas.
“Kontributi i tyre në familje, në shoqëri dhe në punë është i pazavendësueshëm, andaj gjatë ditës së sotme në amfiteatrin e sheshit “Dëshmorët e Kombit” takova strukturat e Grupit të Grave të Iniciativës Qytetare për Obiliq, të cilat i falënderova për angazhimin dhe mobilizimin e tyre, njëkohësisht theksova se fuqizimi i rolit të gruas përherë ka qenë prioritet i qeverisjes time, përmes realizimit të grant-skemave për përkrahjen në biznese dhe në sektorin e bujqësisë, subvencionimin e grave lehona si dhe 50% e drejtorive në komunën e Obiliqit udheheqën nga gratë“, shkruan Gashi.
