Lajme

Gashi: Edi Rama dëshiron të paraqitet prijës i të gjithë shqiptarëve

Gashi: Edi Rama dëshiron të paraqitet prijës i të gjithë shqiptarëve
18:42 | 30 Qershor 2020

Avokati i njohur Tomë Gashi ka komentuar vizitën e Kryeministrit shqiptar Edi Rama në Prishtinë, dhe takimet të cilat ai pati me liderët kosovarë.

Gashi madje u shpreh se prezenca e Ramës në Kosovë qe në konatacion pozitiv, meqë ai ka intencë paraqitjen si prijës i shqiptarëve.

”Edi Rama njihet për energjinë e tij të posaçme të dhënies së deklaratave bombastike”.

”Ai e pati një deklaratë të zjarrtë në mbrojtje të UÇK-së, në përkrahje të Hashim Thaçit, Kadri Veselit dhe pjesëtarëve të tjerë të UÇK-së”.

”Por atë fjalim aq të zjarrtë dhe aq kombëtar, ai [Edi Rama] do të ishte shumë më mirë që ta kishte thënë para pesë vjetësh, dhe ndoshta do t’i bindte deputetët të mos e votojnë Gjykatën Speciale”.

”Prezenca e Ramës ka qenë në konatacion pozitiv. Duket që dëshira e tij është ta luaj rolin ‘të paraqitet si prijës i shqiptarëve’ – intenca e tij është ajo”.

”Në Kosovë [Edi Rama] ka pasur dëshirë të shfajësohet jashtëzakonisht shumë”.

”Për shkak të emërtimit të tij të marrë si ”vëlla i Vuçiqit” dhe ai disa herë e ka thënë për vetveten në aludime ironike por ka pasur një ndjenjë të hithët në Kosovë për shkak të ngrohtësisë që ka pasur  me Vuçiqin”, tha Gashi në Klan Kosova.

Përfito FALAS një pushim për çift në Budva

Të tjera