Atleti ynë, Musa Hajdari, garoi sot në Lojërat Olimpike “Tokio 2020”, disiplina e 800 metrave.
Garuesi nga Kosova pati kohën 1:48.96 minuta, që e rendit në vendin e 43-të nga 48 garues, pa pasur mundësi të kualifikohet në gjysmëfinale, shkruan FrontOnline.
Për Hajdarin ishte pjesëmarrja e dytë në Lojërat Olimpike, pas debutimit në “Rio 2016”.
Të pranishëm për ta përkrahur Musa Hajdarin në stadiumin Olimpik të Tokios ishin edhe drejtuesit e KOK-ut, me në krye presidentin Ismet Krasniqi dhe kryetari i Federatës Atletike të Kosovës, Halil Sylejmani./FrontOnline/