Piceria e njohur, Sach Pizza në Prishtinë, pika e saj në rrugën “Rexhep Luci”, është gjobitur sonte nga Policia e Kosovës për mospërfillje të masave anti pandemike.
Gjatë inspektimit në këtë lokal, siç kupton “Front Online” nga burime brenda Policisë, zyrtarët policorë kanë parë se stafi po u shërbente klientëve ushqim e pije brenda, jashtë orarit të paraparë me masat e reja anti-Covid të Ministrisë së Shëndetësisë.
Shërbimet e gastronomisë me vendimin e ri lejohen të zhvillojnë aktivitetin e tyre nga ora 05:00 deri në orën 23:00, përveç ditëve e premte dhe e shtunë në të cilat lejohet zgjatja e orarit për një orë, nga ora 05:00 deri në orën 00:00.