Futbolli i Kosovës është tronditur në ditën e sotme pas lajmit për vdekjen e një prej futbollistëve më premtues në vendin tonë, raporton FrontOnline.
Sot, e shtune, ka vdekur futbollisti i ri i Trepçës ’89, Erion Kajtazi.
Kajtazi ishte duke luajtur në ndeshjen e Superligës së juniorëve ndaj A&N kur pas një sulmi në zemër, vdiq.
Vdekjen e tij e kanë konfirmuar nga Federata e Futbollit e Kosovës, Policia e Kosovës dhe Trepça ’89.
Kajtazi mbushi 16 vjet në muajin e kaluar, derisa ishte ndër futbollistët më cilësor në kategoritë e reja të Kosovës.
Madje, klubi mitrovicas ishte duke planifikuar që ta realizojë transferimin e tij jashtë vendit në një të ardhme të afërt.
Vlen të ceket se i ndjeri ishte muaj më parë edhe në prova te klubi nga Belgjika, Anderlecht.
Ndryshe, Kajtazi ishte pjesë e Kosovës U17./FrontOnline/