[wp-story]

Bota/Rajoni

Franca do të dëbojë familjen boshnjake që rrahu të bijën për shkak të dashurisë me serbin

Franca do të dëbojë familjen boshnjake që rrahu të bijën për shkak të dashurisë me serbin
12:45 | 24 Gusht 2020

Autoritetet franceze do të dëbojnë një familje nga Bosnja e Hercegovina e cila ka keqtrajtuar të bijën e saj për shkak të lidhjes me një djalë me origjinë nga Serbia, paralajmëroi ministri francez i Punëve të Brendshme, Gerald Darmanin, raportojnë mediat e Beogradit, transmeton Koha.net.

“Posa të përmbyllet procedura gjyqësore, do të shoqërohet deri në kufi, meqë s’kanë çfarë të lypin në tokën e Francës”, ka shkruar Darmanin në Twitter.

Vajzën shtatëmbëdhjetëvjeçare të besimit islam, me origjinë nga Bosnja e Hercegovina, e ka keqtrajtuar fizikisht familja e saj pasi kishin marrë vesh se ishte në lidhje me një djalë, të krishterë, nga Serbia, kanë raportuar më herët mediat franceze.

Prindërit bashkë me dajën dhe tezën e saj e kanë goditur fytyrës e në trup, e pastaj ia kanë rruar flokët e kokës.

Prindërit e vajzës, daja dhe tezja, që nga e enjtja janë vënë nën mbikëqyrjen gjyqësore dhe presin gjykimin në Besanson për dhunë ndaj personit adoleshent në prani të personave të tjerë.

Ata u shoqëruan të hënën nga policia, të cilën e kishte informuar për incidentin i dashuri i adoleshentes, e cila tani ndodhet nën mbrojtjen e gjykatës, transmeton koha.net.

Benzinë vetëm 1.05 euro në Petrol Company e shumë zbritje tjera në “Be Happy Restorant” dhe Market

Të tjera