Sport

Formacioni i mundshëm i Ballkanit në debutimin historik në Ligën e Kampionëve

Formacioni i mundshëm i Ballkanit në debutimin historik në Ligën e Kampionëve
12:13 | 05 Korrik 2022

Ballkani do ta shkruajë sonte historinë duke marrë pjesë për herë të parë në garat evropiane.

Kampioni i Kosovës në futboll do të luajë sonte në garën më të madhe për klube, Liga e Kampionëve, raporton FrontOnline.

Në rrethin e parë eliminator, skuadra që drejtohet nga Ilir Daja do të ketë punë të lehtë – të paktën në letër.

Ballkani përballet sonte për herë të parë me Zalgirisin, kjo është forma e dy skuadrave në pesë ndeshjet e fundit

Skuadra nga Suhareka do të ndeshet me kampionin e Lituanisë, Zalgiris.

Trajneri i Ballkanit, Ilir Daja, në konferencë për shtyp kishte paralajmëruar se do të sjellë një skuadër ndryshe nga herët e kaluara, teksa ka shtuar se ka përgatitur dy skema të ndryshme për lojën.

Formacioni i mundshëm me të cilin  mund të paraqitet skuadra suharekase.

Ballkani shkruan sonte historinë, debuton në Ligën e Kampionëve kundër Zalgirisit

Ballkani (4-3-3): Dashnor Balaj (GK); Armend Thaçi, Arbër Potoku, Astrit Thaqi, Egzon Sinani; Lumbardh Dellova, Lindon Emërllahu, Meriton Korenica; Albion Rrahmani, Nazmi Gripshi, Qëndrim Zyba.

Ndeshja në fjalë do të zhvillohet në stadiumin “Fadil Vokrri” në Prishtinë.

Kjo sfidë luhet nga ora 20:00./FrontOnline/

Prince Caffe: Hape dhe fito preminë kryesore, çdo muaj nga një Fiat 500

Të tjera