[wp-story]

Sport

Formacionet zyrtare: Llapi – Prishtina

Formacionet zyrtare: Llapi – Prishtina
14:07 | 21 Prill 2021

Sot do të zhvillohet ndeshja e dytë gjysmëfinale e Kupës së Kosovës mes Llapit dhe Prishtinës.

Në stadiumin “Zahir Pajaziti”, Llapi është nikoqir i Prishtinës në derbin rajonal, shkruan FrontOnline.

Në ndeshjen e parë e cila u zhvillua në stadiumin “Fadil Vokrri”, fituan llapjanët me rezultat të ngushtë, 2:3.

Duke qenë se Llapi e ka objektiv kryesor kupën nga e cila synon të dalë në Evropë, kërkon me çdo kusht që sot ta ruajë rezultatin dhe të kualifikohet tutje.

Nga ana tjetër, Prishtina synon ta “përmbysë” skuadrën e Tahir Batatinës, të kualifikohet në finale dhe ta mbrojë titullin e Kupës së Kosovës, të cilin e fitoi edhe edicionin e kaluar.

Tashmë, FrontOnline ka siguruar përbërjet zyrtare të të dyja skuadrave për këtë ndeshje.

Llapi: Coriq, Idrizi, Krasniqi, Prençi, Emini, Ar.Ramadani, Shabani, Hoti, Sadriu, Veliu, Januzi

Prishtina: Nika, Mici, Pefqeli, Bardhoku, Lilaj, Maliqi, Prapashtica, Gavazaj, Dellova, Zyba, Shillova.

Ndeshja në fjalë do të zhvillohet me fillim nga ora 15:00.

Ndryshe, ndeshja tjetër gjysmëfinale mes Dukagjinit dhe Istogut nuk do të luhet, pasi Dukagjini është kualifikuar direkt pas një gabimi teknik të istogasve në ndeshjen e parë./FrontOnline/

Kush ështe kosovari THE VICTOR që synon tregun e jashtëm? (video)

Të tjera