Kupa e Botës

Formacionet e mundshme të super-ndeshjes Brazil – Zvicër

Formacionet e mundshme të super-ndeshjes Brazil – Zvicër
12:12 | 28 Nëntor 2022

Brazili dhe Zvicra do të përballen sot në një ndeshje tejet interesante të grupit G në “Stadium 974” nga ora 17:00, raporton FrontOnline.

Të dyja kombëtaret e nisën me fitore këtë kampanjë, ku Brazili mundi 2:0 Serbinë, derisa Zvicra fitoi 1:0 ndaj Kamerunit.

Brazili, një kombëtare përplot me yje dhe një prej favoritëve kryesor për t’u shpallur kampion botëror sivjet, e synon me ngulm fitoren e radhës sot.

Nga ana tjetër, Zvicra që drejtohet nga Xherdan Shaqiri, Granit Xhaka dhe Ardon Jashari, nuk e ka ndërmend të dorëzohet dhe kërkon vetëm rezultat pozitiv sot.

Lajm i madh për Zvicrën është mungesa e Neymarit që pësoi lëndim në ndeshjen ndaj Serbisë, derisa skuadrës së Tites do t’i mungojë edhe Danilo.

Nga ana tjetër, te helvetikët, nuk ka ndonjë mungesë.

Formacioni i mundshëm i Brazilit: Alisson; Eder Militao, Thiago Silva, Marquinhos, Alex Sandro; Casemiro, Fred, Paqueta; Raphinha, Richarlison, Vinicius Junior

Formacioni i mundshëm i Zvicrës: Sommer; Widmer; Akanji, Elvedi, Rodriguez; Freuler, Xhaka, Sow; Shaqiri, Embolo, Vargas.

/FrontOnline/

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera