Auto

Ford Bronco po vjen zyrtarisht në Evropë, por vetëm në numër të kufizuar

Ford Bronco po vjen zyrtarisht në Evropë, por vetëm në numër të kufizuar
12:42 | 05 Korrik 2022

Ford ka konfirmuar zyrtarisht se Bronco i ri do të shitet edhe në Evropë. Duke iu bashkuar Mustang dhe Explorer si modele të dizajnuara dhe të ndërtuara për tregun amerikan dhe të disponueshëm në Kontinentin e Vjetër, Bronco i ri do të gjendet në dyqanet e Ford-it në Evropë nga fundi i vitit të ardhshëm.

Fatkeqësisht, Bronco do të shitet në Evropë në “numra rreptësisht të kufizuar”, megjithëse nuk dihet saktësisht se çfarë do të thotë kjo, sipas Motor1. Ajo që ne dimë me siguri, megjithatë, është se SUV-i i fortë do të jetë i disponueshëm vetëm në tregjet evropiane me timonin e majtë nga tremujori i tretë i 2023.

“Bronco është automjeti fuoristradë më i fortë dhe më i gjithanshëm i Ford-it dhe gjenerata e re kombinon ADN-në e origjinalit me teknologjitë më të fundit të trajtimit jashtë rrugës dhe një gamë të gjerë aksesorësh për të krijuar një ikonë të re jashtë rrugës”, thotë Matthias. Tonn e Ford of Europe, duke shtuar “pas suksesit të madh të Bronco-s së re në SHBA, ne jemi të emocionuar të sjellim një pjesë të frymës së aventurës tek klientët tanë në Evropë”.

Ford nuk është ende gati të zbulojë ndonjë detaj teknik në lidhje me versionin evropian të Bronco. Prodhuesi thotë vetëm se do të shitet ekskluzivisht si automjet me katër dyer, por nuk ka informacione për nivelet dhe çmimet. Dihet, megjithatë, se pajisjet standarde do të përfshijnë elementë të tillë si një sistem audio premium Bang & Olufsen me 10 altoparlantë dhe një subwoofer, një kamerë 360 gradë dhe një ekran 12 inç për sistemin info-argëtues me përputhshmërinë Apple CarPlay dhe Android Auto.

Sa i përket aftësive jashtë rrugës, Ford thotë se Bronco do të vijë në Evropë me një diferencial standard të pasëm me kyçje dhe një diferencial opsional bllokues përpara.

Ford gjithashtu premton se një shumëllojshmëri e gjerë aksesorësh do të jenë në dispozicion për Bronco. Këto përfshijnë sisteme të përmirësuara të ndriçimit, tendën e pasme, tendën e çatisë, tendat anësore, shinat e çatisë dhe raftet e dedikuara për ski, biçikleta dhe kuti çatie./FrontOnline/

Prince Caffe pjesëmarrës në panairin DUBAI EXPO 2021

Të tjera