Ish-deputeti dhe këngëtari, Labinot Tahiri ka bërë të ditur se ka ndarë 10 mijë euro për blerjen e bocave të oksigjenit për spitalet e Kosovës.
“Në mungesë të oksigjenit nëpër spitale, dua të ju njoftojë se jemi të gatshëm që t’ju ndihmojmë. Ne si Bord i Fondacionit kemi vendosur për blerjen e bocave”, është shprehur ai.
Ai ka thënë se i vie keq kur sheh lajme që ka mungesë të oksigjenit nëpër spitale.
“Spitalet nuk janë të panjohura për mu. Merrem me leukemi tash e 15 vite”, ka deklaruar Tahiri.
