Lajme

Foli për krimet kundër shqiptarëve, dyshohet se serbit tash i është vendosur një GPS në këmbë

Foli për krimet kundër shqiptarëve, dyshohet se serbit tash i është vendosur një GPS në këmbë
17:55 | 28 Shtator 2022

Eksperti për çështje të sigurisë, Agim Musliu, ka publikuar në llogarinë e tij në facebook, disa fotografi të Vladimir Markoviq.

Markoviq është një dëshmitar i luftës në Kosovë, i cili në intervistën e dhënë në emisionin “Udhëve” në RTK, ka dëshmuar për masakrat e kryera nga forcat serbe mbi shqiptarët e Kosovës gjatë luftës së vitit 1998-99.

Për më tepër ai ka rrëfyere dhe vendin ku ka trupa shqiptarësh të varrosur në varreza masive në Serbi.

Ndërkohë, në fotografitë e publikuara nga Musliu të këtij dëshmitari, ai deklaron se  Vladimir Markoviq, që këmbë ka të vendosur  GPS që bën të mundur monitorimin e lëvizjeve të tij ose arrestin shtëpiak.

“Këtë fotografi ma dërgoi një serb, pasi kishte vërejtur se e kam shpërndarë intervistën me Vladimir  Markoviq (dhënë RTK), polic serb që kishte folur për një fugon që kishte dërguar në Serbi, trupa të vrarë civilësh shqiptarë, në ditën kur po tërhiqeshin forcat serbe nga Kosova”, shkruan Musliu.

“Ai tha se në Naupare (afër Krushevcit në Serbi) ishin varrosur ata shqiptarë”.

Më tej, Musliu ngreh pikëpyetje nëse shteti serb, po e mban këtë dëshmitar potencial  nën vëzhgim.

“Mirëpo, kësaj radhe RTK ia kishte luajtur lojën regjimit të Vuçiqit, sepse intervista ishte bërë shumë më herët”, ka shkruar Musliu.

“Me aq sa di unë, dëshmitari Markoviq ka dhënë dëshminë e tij edhe në Prokurorinë e Kosovës”.

Për më shumë, intervistën e plotë të Markoviqit dhënë për RTK-në,  mund ta lexoni dhe ta dëgjoni në linkun më poshtë:

Ekskluzive: Flet Vladimir Markoviq-Ju dëshmoj krimet ndaj shqiptarëve|Video (rtklive.com)

Prince Espresso miku më i mirë i yjeve të Sunny Hill Festival

Të tjera