Florida dhe Teksasi shënojnë rekord të rasteve me Covid-19, pezullojnë largimin e masave

Rastet e koronavirusit në Shtetet e Bashkuara kanë shkuar në mbi 2.5 milionë. Florida dhe Teksasi kanë shënuar rekorde të rasteve të reja.

Rritja e numrit të rasteve në pjesën jugore të Shteteve të Bashkuara erdhi pasi bizneset u lejuan të rihapen në javët e fundit, shkruan “BBC”, transmeton Gazeta Express.

Të shtunën, Florida i raportoi më shumë se 9,500 raste të reja, mbi 500 më shumë se një ditë më parë, që gjithashtu ishte rekord. Kjo rritje i ka shtyrë zyrtarët shtetërorë që t’i forcojnë kufizimet ndaj bizneseve përsëri, njësoj siç ka vepruar edhe Teksasi.

Numri i përgjithshëm i rasteve të personave me koronavirus në Florida ka shkuar në mbi 132,000, ndërsa më shumë se 3,300 pacientë kanë vdekur.

Shumë shtete të tjera në pjesën jugore të ShBA-së kanë raportuar rritje rekorde të rasteve ditëve të fundit pas largimit të masave kufizuese dhe pas hyrjes së shumë njerëzve nga rajonet e tjera.

Javën e kaluar, Teksasi, Florida dhe Arizona i pezulluan planet për rihapje në përpjekje për ta luftuar përhapjen e mëtejme të virusit të ri.

Këshilltari kryesor qeveritar për koronavirusin, Dr.Anthony Fauci, disa ditë më parë tha se vendi ka një problem serioz me pandeminë. Mbi 125,000 persona kanë vdekur nga koronavirusi deri më tani në Shtetet e Bashkuara.

Natën e Kurban Bajramit Petrol Company shpërndan 40 pako ushqimore për fëmijët jetim në Kosovë

Sponsoruar