Sport

FHK liron nga detyra dy përzgjedhës të grupmoshave të reja

FHK liron nga detyra dy përzgjedhës të grupmoshave të reja
08:34 | 18 Gusht 2022

Bordi i Federatës së Hendbollit të Kosovës e ka mbajtur mbledhjen e radhës nën udhëheqjen e kryetarit, Eugen Saraçini.

Në këtë mbledhje Bordi ka diskutuar për paraqitjen e përfaqësueseve të reja në Kampionatet Evropiane të kësaj vere, përcjell FrontOnline.

Bordi ka vlerësuar punën dhe angazhimin e kryetrajnerit të Kosovës U20, Taib Kabashi dhe trajnerit të përkohshëm të Kosovës U18, Fatmir Muhaxheri.

Bordi ka vendosur që Kabashin dhe Muhaxherin t’i lirojë nga pozita e kryetrajnerëve.

Kabashit në fakt i ka përfunduar mandati dyvjeçar, kurse Muhaxheri ishte i angazhuar vetëm për Evropianin në Letoni. Ai vazhdon angazhimin në shtabin teknik të Kosovës A.

Bordi i FHK-së ka falënderuar Kabashin e Muhaxherin për punën e bërë me shumë zell dhe përkushtim. Bëhet fjalë për dy personalitete që kanë dhënë shumë dhe vazhdojnë të japin shumë për hendbollin tonë.

Së shpejti bordi do të vendosë për trajnerët e këtyre grupmoshave./FrontOnline/

Prince Caffe pjesëmarrës në panairin DUBAI EXPO 2021

Të tjera