Sport

Festivali i 2-të Ndërkombëtar i Filmit Sportiv Prishtina 2022, mbahet më 14 dhe 15 tetor 2022

Festivali i 2-të Ndërkombëtar i Filmit Sportiv Prishtina 2022, mbahet më 14 dhe 15 tetor 2022
09:46 | 06 Tetor 2022

Komiteti Olimpik i Kosovës do të organizojë edicionin e dytë të Festivalit Ndërkombëtar të Filmit Sportiv Prishtina 2022.

Festivali do të mbahet prej 14 dhe 15 tetor 2022 në kinemanë ABC në Prishtinë, përcjell FrontOnline.

Gjatë dy ditëve do të shfaqen filma të shumtë sportivë ndërkombëtarë, për të cilët KOK ka të drejtën ekskluzive të shfaqjes së tyre.

KOK kërkon nga filmbërësit, gazetarët sportivë, studentët, dhe kushdo që ka krijuar filma sportivë të metrazhit të gjatë ose të shkurtë, dokumentarë sportivë, etj, t’i dërgojnë për t’u shfaqur në Festivalin Ndërkombëtar të Filmit Sportiv Prishtina 2022.

Filmat dhe dokumentarët më të mirë vendorë, do të dërgohen në Festivalin Botëror të Filmit dhe Kinemasë Sportive, që mbahet prej 9-13 nëntor 2022 në Milano të Italisë. Festivali botëror organizohet çdo vit nga Federata Ndërkombëtare për Kinemanë Televizive Sportive (FICTS).

Materialet e filmave (videoja origjinale me autorët) duhet të dërgohen në adresën [email protected] përmes wetransfer, filemail ose mënyrave tjera të përshtatshme, më së largu deri më 10 tetor 2022./FrontOnline/

OFERTË për Black Friday, Festën e Flamurit dhe Pikën e Re në Petrol Company

Të tjera