Tre inspektorë deri sa ishin duke kryer punën e tyre në Ferizaj ishin penguar në punën e tyre.

Policia e Kosovës ka njoftuar se këta të fundit ishin duke bërë inspektimin e lokaleve lidhur me orarin e punës dhe respektimin e masave ligjore lidhur me pandeminë kishin vërejtur se një kafiteri kishte qenë e hapur në të cilin lokal kishin qenë rreth 20-25 persona.

Inspektorët kishin kërkuar nga përgjegjësi i lokalit që personat prezent t’i largojë nga lokali dhe i kishin kërkuar dokumentacionin, por i njëjti kishte refuzuar, i kishte fyer me fjalë dhe i kishte larguar nga lokali.

Njësiti policor ka dalë në vendin e ngjarjes por nuk e kanë hasë të dyshuarin./Front Online/