Lajme

Fatmir Sejdiu: Njerëzit e Isa Mustafës lobuan që të mos votohem në zgjedhje

Fatmir Sejdiu: Njerëzit e Isa Mustafës lobuan që të mos votohem në zgjedhje
21:15 | 13 Tetor 2020

Ish-Presidenti i Kosovës, Fatmir Sejdiu, ka deklaruar sot se kanë qenë pikërisht njerëzit brenda LDK-së që kanë lobuar kundër votimit të tij në vitin 2007 dhe të njëjtit bashkëpunuan me partitë tjera që të përçahet subjekti, raporton Front Online.

“Nuk mu lejua kandidimi për kryetar të partisë. Në 2015 unë kisha përkrahje të madhe nëpër degë. Edhe pse me traditën e partisë kjo duhej të lejohej, nuk lejohet me statut pasi ai është ndryshuar disa herë dhe nuk është më i njëjtë me frymën e partisë rugoviane”, tha ai, në T7.

Sipas tij kjo ndodhi pasi që ai në atë kohë ishte bartës i listës si dhe president.

“Njerëzit e Isa Mustafës brenda LDK-së lobuan që të mos votohem në zgjedhje. Lobuan kundër meje pasi unë isha bartës i listës, por unë isha edhe president atë kohë. Lobuan që të mos votohem në kohën e UNMIK’ut me kornizën kushtetuese në vitin 2007. Partitë tjera mundohen që të na përcajnë dhe unë e kuptoj. Por nuk e kuptova pse njerëz brenda partisë tonë e bënë këtë dhe bashkëpunuan me Thacin”, shtoi ai./Front Online

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Të tjera