[wp-story]

Bota/Rajoni

Falja në malin e mëshirës, 2 milionë pelegrinë në Mekë

Falja në malin e mëshirës, 2 milionë pelegrinë në Mekë
22:30 | 10 Gusht 2019

Pelegrinët myslimanë falen në malin Arafat, po ashtu të njohur edhe si Jabal al Rahma, mali i mëshirës, në juglindje të qytetit të shenjtë të Mekës, ndërsa kulmi i pelegrinaxhit të Haxhit po afrohet.

Arafati është vendi ku myslimanët besojnë se profeti Muhamed la amanetet e tij të fundit rreth 14 shekuj më parë, pasi udhëhoqi ndjekësit e tij në pelegrinazh, shkruan Top Channel.

Më shumë se 2 milionë myslimanë nisën Haxhin e përvitshëm të premten në temperatura përvëluese. Haxhi është një nga tubimet më të mëdha fetare të përvitshme në botë dhe është po ashtu një nga pesë shtyllat e islamit. Ai duhet kryer nga të gjithë myslimanët që kanë mundësi, të paktën një herë në jetën e tyre. Përbëhet nga një seri ritesh që kryhen gjatë pesë ditëve në qytetin më të shenjtë të islamit dhe rrethinat e tij në pjesën perëndimore të Arabisë Saudite.

Në Mekë, ndodhet edhe Qabeja, një strukturë kubike që është epiqendra e islamit.

Myslimanët e të gjithë botës, drejtohen nga qabeja kur falen dhe pelegrinët gjatë Haxhit duhet të rrotullohen shtatë herë rreth saj.

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera