Llogaritë në Facebook dhe Instagram të presidentit amerikan Donald Trump janë bllokuar për një kohë të pacaktuar dhe për të paktën dy javët e ardhshme, njoftoi kreu ekzekutiv i Facebook, Mark Zuckerberg, pas dhunës në Capitol Hill.
“Ne besojmë se lejimi i përdorimit të shërbimeve tona nga presidenti gjatë kësaj periudhe paraqet rreziqe shumë të mëdha”, shkroi Zuckerberg në llogarinë e tij në Facebook, pas një pezullimi të përkohshëm të njoftuar të mërkurën në mbrëmje, raporton ATSh.
“Si rrjedhojë, ne po e zgjasim bllokimin e llogarive të tij në Facebook dhe Instagram për një kohë të pacaktuar dhe për të paktën dy javët e ardhshme, derisa të përfundojë tranzicioni paqësor i pushtetit”, shtoi ai.
