Bota/Rajoni

“Eurostat”: Shqipëria, më e shtrenjta në rajon për ushqim

“Eurostat”: Shqipëria, më e shtrenjta në rajon për ushqim
16:49 | 23 Qershor 2020

Të dhënat më të fundit të Agjencisë Evropiane të Statistikave tregojnë se, në Shqipëri çmimet janë sa 57% e mesatares evropiane. Kjo normë e vendos Shqipërinë ndër vendet më të lira në kontinentin e vjetër, por në krye të rajonit, së bashku me Serbinë dhe Malin e Zi. Maqedonia e Veriut, Bosnje Hercegovina, por më gjerë edhe Turqia si vend kandidat, janë të tria më të lira se Shqipëria, thotë Eurostat.

Veshjet në Shqipëri kushtojnë thuajse sa në Evropë, më saktësisht sa 97% e mesatares së Bashkimit Evropian. Produktet e elektronikës së konsumit ndërkohë janë e vetmja kategori të cilën shqiptarët e blejnë në Shqipëri më shtrenjtë se në Evropë, raporton “Scantv”.

Restorantet dhe hotelet, ndërkohë, në Shqipëri kushtojnë sa 46% e mesatares evropiane. Kjo normë bën Shqipëria të jetë vendi i dytë më i lirë në Evropë, me një diferencë minimale me Maqedoninë e Veriut.

Edhe pijet alkoolike si dhe duhani janë ndjeshëm më të lira në Shqipëri sesa në Evropë, në 68% të mesatares së BE-së. Sa i përket ushqimit dhe pijeve jo-alkoolike, në Shqipëri çmimi është sa 82% e çmimit mesatar në Evropë.

Kjo është norma më e lartë në rajon. Kjo normë është rritur krahasuar me vitin e kaluar, kur fiksohej në 79%, si dhe është më e lartë se në Bullgari, Poloni, Rumani si dhe njësoj me Lituaninë.

Prince Caffe: Hape dhe fito preminë kryesore, çdo muaj nga një Fiat 500

Të tjera